Umgjörð sýningarbása
Sýningaraðilar skulu hafa í huga að þetta er tæknisýning og mælt er með að kynna og gefa tæknidót í stað sælgætis og matar. Getraunir og leikir trekkja að básunum og gerir sýninguna lifandi og skemmtilega. Forðast skal að hafa veitingar sem geta lekið niður eða skilja eftir sig rusl s.s. krap eða popp sem getur dreifst um allt húsið.
Búnaður í sýningarbása
Hægt er að leigja borð og annað hjá nokkrum aðilum t.d. Sýningarkerfi, Merking, EXTON, RECON og Harpa. Fjölmargar prentsmiðjur taka að sér að prenta bæklinga og annað efni í básanna.
Starfsmenn í sýningarbásum
Starfsmenn í sýningarbásum verða að hafa annað hvort ráðstefnupassa eða sýningarpassa til að komast inn á sýningarsvæðið á föstudeginum.
Á laugardeginum fá starfsmenn í básum aðgang að rými þar sem boðið er upp á kaffi og stólar til að hvíla sig aðeins frá amstrinu. Að öðru leyti verða allir að sjá um að sitt fólk fái mat.
Upplýsingar um ráðstefnugesti
Rúmlega þúsund gestir koma á ráðstefnu UTmessunnar og er það allt fólk sem tengist tölvu- og tæknigeiranum á einhvern hátt. Stærsti hlutinn er íslenskur en þó mætir einhver fjöldi erlendra gesta eða fólks sem býr á Íslandi og talar ekki íslensku.
Ráðstefnugestir á UTmessunni fá afhent nafnspjald með QR kóða. QR kóðinn er „Business Card“ á staðlinum vCard 3.0 og inniheldur upplýsingar um nafn, fyrirtæki og netfang.
Sýnendur geta t.d. notað app í síma til að skanna QR kóðann á nafnspjaldinu (með leyfi gestsins) til að safna tengiliðaupplýsingum (Business leads). Nokkur öpp eru til og hægt er að finna þau ef notað er leitarorðið „Badge Scanner“ í PlayStore eða AppStore.
Þau öpp sem við höfum prófað og eru bæði til í Android og iOS eru:
Ráðstefnu- og sýningarpassar
Með sýningaraðildinni fylgir eftirfarandi fjöldi aðgöngupassa:
- Platínum: 6 ráðstefnupassar og 4 sýningarpassar
- Gull: 4 ráðstefnupassar og 3 sýningarpassar
- Silfur: 1 ráðstefnupassi og 2 sýningarpassar
- Brons: 2 sýningarpassar
- Sproti: 2 sýningarpassar
Ráðstefnupassi veitir aðgang að ráðstefnusölum, sýningarsvæðinu, mat, kaffi og í kokteil í lok dags. Ráðstefnupassinn er skráður á nafn og gildir eingöngu fyrir þann aðila.
Sýningaraðilar verða að skrá alla sem ætla að vera á ráðstefnunni sjálfri í gegnum ráðstefnuskráninguna. Mikilvægt er að gera þetta tímanlega áður en uppselt er á ráðstefnuna. (Rukkað er aukalega fyrir þá ráðstefnupassa sem eru umfram þá sem eru innifaldir í sýningaraðildinni.)
ATH. Sýningaraðilar fá engin sérstök afsláttarkjör af ráðstefnugjaldinu en skráðir félagar í Ský fá afslátt af ráðstefnupassanum.
Sýningarpassi veitir aðgang að sýningarsvæðinu, mat, kaffi og í kokteil í lok dags en hann gildir EKKI í ráðstefnusalina. Sýningarpassi er skráður á fyrirtæki/kaupanda. Hann gildir fyrir handhafa og getur því gengið á milli vakta í sýningarbásnum yfir daginn.
Sýningaraðilar geta keypt fleiri sýningarpassa ef þeir vilja hafa fleiri á svæðinu eða í kokteilnum. Ef sýningaraðila vantar fleiri sýningarpassa en þá sem fylgja aðild eru þeir pantaðir sérstaklega.
Sýningarpassar eru afhentir á fimmtudeginum frá kl. 9 - 17 á upplýsingaborði UTmessunnar í Hörpu á sama tíma og uppsetning bása fer fram. Það er á ábyrgð þess sem sækir þá að koma þeim til þeirra sem eru að vinna í básunum. Sýningaraðilar bera sjálfir ábyrgð á því að koma sýningarpössum á milli vakta.
Dæmi um QR kóða sem er á nafnspjöldunum:
