AI + EQ: Breytt hlutverk verkefnastjórans með tilkomu gervigreindar

Verkefnastjórar verða að taka gervigreind sem öflugan bandamann, þróa gagnalæsi, einbeita sér að stefnumótandi þáttum og halda áfram að laga sig að þessu kraftmikla landslagi til að dafna í nútíma verkefnastjórnunarumhverfi. Með réttri notkun á gervigreind verða hefðbundnir þættir í undirbúningi og framkvæmd verkefna á borð við forgangsröðun, áhættugreiningu, kostnaðargreiningu og mannaflaspá leikur einn. Gervigreindin kemur þó ekki í staðinn fyrir tilfinningagreind og í þessu erindi verður farið yfir samspil þessara tveggja mikilvægu þátta í starfi verkefnastjórans.

Hugrún er leiðtogi verkefnastofu Veita. Hún er með APME nám að baki í verkefnastjórun og situr í stjórn Verkefnastjórnunarfélags Íslands. Hugrún hefur áralanga reynslu af stýringu verkefna og brennur fyrir hverskonar umbótum og hvernig nýta megi tæknina á sjálfbæran og skynsaman hátt.

Sigríður er leiðtogi Snjallvæðingar og stafrænnar þróunar hjá Veitum. Hún er með doktorsgráðu í iðnaðarverkfræði þar sem hún sérhæfði sig í líkanagerð og hermun. Hún brennur fyrir það að nýta gögn til gagns og almennt að nýta tæknina til þess að gera betur í dag en í gær